රජ රටට නව යුව රජෙක්

ඔබ වහන්සේගේ කැමත්තක් ස්වාමීනී..

ඇමතිය, තොප කැමැත්ත ඇතුව හෝ නැතුව මා කරන්නේ මා හට අවැසි දෙයයි.

එසේය ස්වාමීනී එසේය...

එසේනම් තොප වහාම තම ඇමතිදූරයෙන් ඉවත් විය යුතුය.

එසේය ස්වාමීනී එසේය...

තොපගේ කෝරළයේ ජනයා, මා කෙරේ කෝප සිත් ඇතිකර ගැනිම, මාගේ හිත සුව පිනිස නොවේමය.

එසේය ස්වාමීනී එසේය...

එබැවින්, වහාම අණබෙර කරුවකු පිටත් කොට. මේය ස්ව කැමැත්තෙන් ගත් තීරණයක් බව රට වැසියාට දන්වා සිටිනු.

එසේය ස්වාමීනී එසේය...

එසේනම් මට පිටත්ව යාමට අවසරයි, දේවයන් වහන්ස...!

ඇමතියා පිටත්ව යාමට සැරසේ....

නවතිනු......., තොප නම් අපූරූ සහෝදරයෙක්මැයි ඇමතිය. මා හට, තොප කෙරේ අනුකම්පා සිත් පහල විය. රාජ සභාව අවසානයේ, රාජ භෝජනාගාරයේදි මා හමු වන සේ අණ කර සිටිමි..
එසේය ස්වාමීනී එසේය...

ඇමති පිටව යයි. රාජ සභාව තව දුරටත් පැවැත්වේ.

පළමු වරට, මරක්කලයකුට, ප්‍රාදේශීය යුව රජ කමක් දියසේන මහ රජානන් විසින් පිලිගන්වති. එහි අක්ත පත්‍ර ප්‍රධානයට පසු, කලින් රජකම් කල ද්‍රවිඩ යුව රජුට් තෑගී බෝග දී, උපදේශක ඇමති දූරයකට පත් කරයි. රාජපාක්ශික භාවය වෙනුවෙන් ලැබෙන්නාවූ තුටු පඬුරු, භාන්ඩාගාරයෙන් ලබාදෙන ලෙස මහ ඇමතිට අණ කරයි.

යුව රජ, රජු තුමා කෙරෙහි නම්මවා ගැනීමට, මරක්කලයින් නියෝජනය කරනු ලබන ඇමතියා රජුගෙන් බොහෝ තෑගී භෝග ලද බවට රට වැසියා අතර මතයක් පැතිර යයි.

සන්ධ්‍යාභාගයේ රාජ භෝජනාගරයෙදී..

ඇමතිය, තොප නම් ඉතිහාස ගත වන ඇමතිවරයකු වන්නේය. තම සොයුරු වුවද විශ්වාස කළ නොහැකි කලෙක, ඔබ ගත්තාවූ මේ තීරණය, මා අමන්දානන්දයට පත් කළේය. මට මාගේ සොයුරන් කෙරේ වුව  විශ්වාසයක් නොමැත්තෙමයි. එබැවින්, අනාගත අමාත්‍යවරුන් පත් කිරීමකදි. මම තොප ගැන යලි සලකා බලන්නෙමි.

පස්වාන් දහසකට බුදු වන්න දේවයන් වහන්ස... ඔබ වහන්සේ බුදුන් දැක නිවන් දකීත්වා...

හ්ම්... එයින් කාරියක් නොමැත. දාසිය මේ ඇමිතියාට මධු බදුනන් ගෙන එව.
මා රජකම ලභාගැනීමට කුමන්ත්‍රණ කරණ කල්හි, සහය දැක්වූවෝ තොපිමය, උතුරු මැද කෝරළයේ රජා අනුලා රැජිණියට සිත් ඇත්තෝය. තොපගේ සොයුරු උන් පැරදවීම මාගේ සිත කුල්මත් කලැ කාරණයකි... එහෙයින් මා තොප ගැන සලකා බලන්නේමය...

සේවකයිනි.... මේ ඇමතිවරයා පෙරහරින් උතුරු මැද කෝරළයේ රාජාභිශේකයට රැගෙන යනු....

සුළු කාළයක් ඇවෑමෙන්...

රජ රට කෝරළයේ සියළුම වැව්, පෞරාණික සිද්ධස්ථාන ප්‍රතිසංස්කරණයට බදුන්වේ.
මෙය ප්‍රතිසංස්කරණයක් නොව නිධන් මංකොල්ලයක් බවට රට වැසියා අතර කට කතා පැතිර යයි..

උපුටා ගැන්ම - රාජා වලිය
යුගය - දියසෙන් රාජ්‍ය සමය